Anonco: La novaj datoj de la 81-a IJK estas de la 9-a ĝis la 16-a de aŭgusto 2025. Legu la plenan anoncon.
81-a Internacia Junulara Kongreso (IJK) de TEJO – Cisarua (Bogor), Indonezio, 9–16 aŭgusto 2025
La 81-an IJK organizas la Kongresa Komisiono (KK), internacia teamo gvidata de la Tutmonda Esperantista Junulara Organizo (TEJO) kaj la Indonezia Esperantista Junulara Organizo (IEJO), kiu invitis gastigi la kongreson.
Ĉu vi jam scias kio estas IJK? Kaj ĉu vi konas ĝiajn organizantojn, TEJO, IEJO, kaj la Kongresa Komisiono? Poste legu pri la gastiga lando Indonezio. Malkovru la belan kongresejon kaj la diversajn loĝeblojn, kaj sciu kiel alveni al ĝi.
Kaj nun vi certe volas veni, ĉu ne? Rigardu kiuj aliaj homoj jam aliĝis, kontrolu kiom multe vi pagus, kaj plenigu la aliĝilon!
Vi povas jam babili kun aliaj festontoj en la oficiala Telegram-grupo. Dume, se vi havas demandojn, proponojn aŭ ion alian kion vi ŝatus direkti specife al la KK, simple alskribu nin.
Kaj, se vi ŝatus helpi la 81-an IJK-n iĝi pli granda kaj inkluziva sperto, konsideru subteni nin donacante al la kongresa kaso aŭ la Fonduso “Partoprenu IJK-n” de TEJO.
Venu al Cisarua, Indonezio kaj ĝuu tropikan etoson kun ni!