Kio atendas vin dum la IJK?
- Multaj prelegoj, diskutrondoj kaj atelieroj ĉirkaŭ la kongresa temo “Diverseco, solidareco, kaj toleremo“;
- Diverstemaj prelegoj, debatoj, kursoj kaj ludoj dum la tuta tago;
- Malaĉaj koncertoj, la Trinkomanĝa Nokto, kulturaj prezentoj pri Indonezio, kaj aliaj vesperaj programeroj;
- Trankvila gufujo, maltrankvila trinkejo, kaj diversaj ludejoj;
- Specialaj programeroj pri Indonezio kaj Sudorienta Azio;
- Ekskursoj al naturo kaj la urbo, kaj enprofundiĝo en la loka kulturo;
- Kaj kompreneble la Junulara Movada Foiro, Malferma Horo de la Estraro, kaj la Komitatkunveno de TEJO!
Iru al la ABC de la Programo por legi la priskribojn de niaj diversaj tradiciaj programeroj. Proponu vian programeron nun.
Kunfaru la IJK-n sekura kaj komforta etoso
La IJK estas kongreso por ĉiuj, kaj ĉiuj meritas ĝui ĝin senprobleme. Ni ŝatus, ke en la IJK regu nur respektema, inkluzivema, kaj atentema etoso. Antaŭ ol aliĝi kaj alveni al la kongreso, tralegu la regulojn por agrable IJK-umi. Ni kalkulas je via kunlaboro.