Ĉi tiu 2-taga, 1-nokta postkongresa ekskurso al Pulau Seribu (“Mil Insuloj”) kiu troviĝas en la maro ĉirkaŭ la ĉefurbo Ĝakarto donos al vi aŭtentikan tropikan sperton sen iri al tre malproksimaj regionoj de Indonezio. Vi ne nur plaĝumos, sed ankaŭ vidos la maran vivon subakve, saltos inter insuloj, kaj loĝos kaj manĝos tre komforte!
Ĉu vi ŝatus propraokule vidi la tropikan paradizon de Indonezio? Aliĝu al ĉi tiu ekskurso! (Mendilo baldaŭ aperos.)
Povas aliĝi maksimume 90 personoj.
Servoj inkluzivitaj
Ĉi tiu ekskurso kostas €40 por persono (p.p.). Vidu liston de servoj inkluzivitaj:
- bileto de pramŝipo al la insulo;
- vojaĝasekuro sur la pramŝipo kaj boatoj;
- komforta loĝado kun klimatizilo kaj abunda trinkakvo;
- tri bufedstilaj manĝoj (tagmanĝo, vespermanĝo, kaj matenmanĝo);
- uzado de la banan-boato;
- uzado de ekipaĵo por marplonĝado (anglalingve: “snorkeling”) kaj subakva kamerao;
- luado de boato por marplonĝado;
- honorario por gvidanto(j) sur la insulo kaj la maro;
- bonveniga trinkaĵo kaj fiŝa kaj kalmara sateo; kaj
- luado de boato por salti inter malsamaj insuloj (Perak, Bulau, kaj la “Delfena” insulo).
Horaro de la ekskurso
La 20-an de aŭgusto ekde 07:00 ĝis 07:30 renkontiĝos ekskursanoj en la haveno de Muara Angke (preciza rendevuejo anoncota). La pramŝipo ekiros ekde 08:00. Ekskuranoj loĝos sur la insulo Harapan. La ekskurso finiĝos la sekvan tagon, la 21-an de aŭgusto, je 11:30 kiam ekskursanoj prenos pramŝipon reen al Ĝakarto.
Pliaj detaloj pri la horaro de la ekskurso baldaŭ aperos.